ເງິນກູ້ສົ່ງເສີມວິສາຫະກິດຂະໜາດນ້ອຍ-ຂະໜາດກາງ ແມ່ນຖືກອອກແບບໂດຍສະເພາະສໍາລັບວິສາຫະກິດຂະຫນາດນ້ອຍ-ຂະຫນາດກາງ ເພື່ອຕອບໂຈດໃນການລິເລີ່ມທຸລະກິດໃໝ່ ແລະ ຂະຫຍາຍທຸລະກິດທີ່ມີຢູ່.
| ໄລຍະເວລາຂອງການກູ້ຢືມ |
- ໄລຍະເວລາສູງເຖິງ 6 ປີ ຫຼື 72 ເດືອນ
|
| ອັດຕາດອກເບ້ຍ |
- ດອກເບ້ຍເລີ່ມຕົ້ນ ແມ່ນ 0,83% ຕໍ່ເດືອນ ຫຼື 10% ຕໍ່ປີ
|
| ປະເພດຫຼັກຊັບຄໍ້າປະກັນ |
- ໃບຕາດິນຂອບທອງ
- ໃບຢັ້ງຢືນບັນຊີເງິນຝາກມີກຳນົດ
|
| ອັດຕາສ່ວນວົງເງິນກູ້ຢືມ ຕໍ່ມູນຄ່າຫຼັກຊັບຄໍ້າປະກັນ |
- ສູງເຖິງ 70% ຂອງມູນຄ່າຫຼັກຊັບຄໍ້າປະກັນສໍາລັບຫຼັກຊັບທີ່ເປັນໃບຕາດິນຂອບທອງ
- ສູງເຖິງ 100% ຂອງມູນຄ່າເງິນຝາກມີກຳນົດທີ່ເປັນຫຼັກຊັບຄໍ້າປະກັນ
|
| ວົງເງິນກູ້ຢືມ |
- ວົງເງິນກູ້ຢືມ ແມ່ນເລີ່ມແຕ່ 20.000.000 ກີບ ຫຼື ທຽບເທົ່າກັບ 2.000 ໂດລາຂື້ນໄປ
|
|
ຄ່າທໍານຽມ ແລະ ຄ່າປະເມີນຫຼັກຊັບ
|
- ຄ່າທໍານຽມອະນຸມັດ ຂັ້ນຕໍ່າ 1% ຂອງວົງເງິນກູ້ຢືມ (ເກັບຄັ້ງດຽວ);
- ຄ່າປະເມີນຫຼັກຊັບ ຂັ້ນຕໍ່າ 1% ຂອງວົງເງິນກູ້ຢືມ (ເກັບຄັ້ງດຽວ).
|
| ວິທີການຊໍາລະເງິນ |
- ຊຳລະຕົ້ນທຶນຄົງທີ່ພ້ອມດ້ວຍດອກເບ້ຍຫຼຸດລົງຕາມຍອດຕົ້ນທຶນຄົງເຫຼືອ;
- ຊຳລະຕົ້ນທຶນພ້ອມດ້ວຍດອກເບ້ຍເປັນຈຳນວນຄົງທີ່ຕັ້ງແຕ່ຕົ້ນຈົນຮອດທ້າຍງວດ (ຕົ້ນທຶນ + ດອກເບ້ຍ);
- ວິທີການຊຳລະແບບອື່ນໆ ແມ່ນຂື້ນກັບການເຈລະຈາຕົວຈິງລະຫວ່າງທະນາຄານ ແລະ ຜູ້ກູ້ຢືມເງິນ.
|
| ເງື່ອນໄຂອື່ນໆ |
- ລູກຄ້າອາດຈະຕ້ອງຊື້ປະກັນໄພ (ຖ້າມີຄວາມຈຳເປັນ)
|
ເອກະສານປະກອບເບື້ອງຕົ້ນ: |
1. ສໍາລັບສ່ວນບຸກຄົນ
- ເອກະສານຢັ້ງຢືນຕົວຕົນ: ສໍາເນົາບັດປະຈໍາຕົວ/ໜັງສືຜ່ານແດນທີ່ຍັງບໍ່ທັນໝົດອາຍຸ, ສໍາເນົາປຶ້ມສຳມະ ໂນຄົວຂອງຜູ້ກູ້ໝົດທຸກຄົນ, ໃບຢັ້ງຢືນທີ່ຢູ່ (ຕົ້ນສະບັບ), ບັດພະນັກງານ ຫຼື ບັດປະຈຳຕົວລັດຖະກອນ;
- ເອກະສານກ່ຽວກັບຫຼັກຊັບຄໍ້າປະກັນ: ສຳເນົາໃບຕາດິນຂອບທອງທີ່ຈະເອົາມາຄໍ້າປະກັນ, ສໍາເນົາໃບຢັ້ງຢືນເງິນຝາກມີກຳນົດ(ຖ້າມີີ); ສັນຍາຊື້-ຂາຍ/ສັນຍາມັດຈໍາດິນທີ່ຈະເອົາມາເປັນຫຼັກຊັບຄໍ້າປະກັນ (ຫຼັກຖານການມັດຈໍາ), ໃບອະນຸຍາດປຸກສ້າງ (ຖ້າມີ);
- ເອກະສານຢັ້ງຢືນລາຍຮັບ-ລາຍຈ່າຍ:
- ສຳລັບພະນັກງານ ຫຼື ລັດຖະກອນ: ເອກະສານຢັ້ງຢືນເງິນເດືອນ/ສັນຍາແຮງງານ/ເອກະສານເບີກຈ່າຍເງິນເດືອນ/ໃບສະຫຼຸບການເຄື່ອນໄຫວບັນຊີ, ໃບບິນຄ່ານໍ້າ-ຄ່າໄຟ;
- ສຳລັບເຈົ້າຂອງທຸລະກິດ:ໃບສະຫຼຸບບັນຊີປະຈຳເດີອນ 3 ເດືອນຍ້ອນຫຼັງ, ໃບສະຫຼຸບບັນຊີປະຈຳປີ 2 ປີ(ຍ້ອນຫຼັງ), ໃບສະເໜີລາຄາ (ຖ້າມີ), ໃບບິນຊື້ເຄື່ອງເຂົ້າ, ໃບຮັບເງິນ, ສັນຍາເຊົ່າ (ຖ້າມີ), ໃບບິນຄ່ານໍ້າຄ່າໄຟ.
- ເອກະສານນິຕິກຳ: ສຳເນົາໃບອະນຸຍາດດຳເນີນທຸລະກິດ/ໃບທະບຽນວິສາຫະກິດ(ຖ້າມີ), ສຳເນົາໃບທະບຽນອາກອນ (ຖ້າມີ), ໃບຢັ້ງຢືນການມອບພັນທະອາກອນປະຈຳປີ (ຖ້າມີ);
- ເອກະສານຈຳເປັນອື່ນໆທີ່ທາງທະນາຄານຕ້ອງການ(ຖ້າມີ).
2. ສໍາລັບນິຕິບຸກຄົນ/ບໍລິສັດ
- ເອກະສານຢັ້ງຢືນຕົວຕົນ: ສໍາເນົາບັດປະຈໍາຕົວ/ໜັງສືຜ່ານແດນທີ່ຍັງບໍ່ທັນໝົດອາຍຸຂອງເຈົ້າຂອງບໍລິ ສັດ ແລະ/ຫຼື ຜູ້ຖືຮຸ້ນໝົດທຸກຄົນ, ປຶ້ມສຳມະໂນຄົວຂອງເຈົ້າຂອງບໍລິສັດ ແລະ/ຫຼື ຜູ້ຖືຮຸ້ນໝົດທຸກຄົນ, ໃບຢັ້ງຢືນທີ່ຢູ່ປັດຈຸບັນຂອງເຈົ້າຂອງບໍລິສັດ ແລະ/ຫຼື ຜູ້ຖືຮຸ້ນໝົດທຸກຄົນ (ຕົ້ນສະບັບ);
- ເອກະສານກ່ຽວກັບຫຼັກຊັບຄໍ້າປະກັນ: ສຳເນົາໃບຕາດິນຂອບທອງທີ່ຈະເອົາມາຄໍ້າປະກັນ, ສຳເນົາໃບຢັ້ງຢືນເງິນຝາກມີກຳນົດ(ຖ້າມີີ); ສັນຍາຊື້-ຂາຍ/ສັນຍາມັດຈໍາດິນທີ່ຈະເອົາມາເປັນຫຼັກຊັບຄໍ້າປະກັນ (ຫຼັກຖານການມັດຈໍາ), ໃບອະນຸຍາດປຸກສ້າງ (ຖ້າມີ);
- ເອກະສານນິຕິກຳ: ສຳເນົາໃບອະນຸຍາດດຳເນີນທຸລະກິດ/ໃບທະບຽນວິສາຫະກິດ, ສຳເນົາໃບທະບຽນອາກອນ, ໃບຢັ້ງຢືນການມອບພັນທະອາກອນປະຈຳປີ (ປີຫຼ້າສຸດ), ສັນຍາວ່າດ້ວຍການຖືຮຸ້ນ, ກົດລະບຽບພາຍໃນ (ຖ້າມີ), ໂຄງຮ່າງການຈັດຕັ້ງຂອງບໍລິສັດ, ມະຕິຕົກລົງຂອງສະພາບໍລິຫານຂອງບໍລິສັດກ່ຽວກັບການກູ້ຢືມເງິນ;
- ລາຍງານການເງິນ: ລາຍງານການເງິນປະຈຳເດືອນ 6 ເດືອນຍ້ອນຫຼັງ, ລາຍງານການເງິນປະຈຳປີ 3 ປີຍ້ອນຫຼັງ (ຫາກໄດ້ຮັບການກວດຊອບຈາກພາຍນອກຍິ່ງເປັນການດີ), ໃບສະຫຼຸບຊັບສົມບັດ, ໃບສະຫຼຸບສິນຄ້າໃນສາງ, ໃບສະເໜີລາຄາ (ຖ້າມີ), ໃບສັ່ງຊື້ສິນຄ້າ (ຖ້າມີ), ໃບສັ່ງຈ່າຍ(ຖ້າມີ), ສັນຍາຊື້-ຂາຍສິນຄ້າ (ຖ້າມີ), ຫຼັກຖານການໂອນເງິນຊຳລະສິນຄ້າ(ຖ້າມີ),ໃບສະຫຼຸບການເຄື່ອນໄຫວບັນຊີຂອງບໍລິສັດທຸກສະ ກຸນເງິນ 2 ປີຍ້ອນຫຼັງ, ໃບກວດວຽກ(ຖ້າມີ);
- ເອກະສານຈຳເປັນອື່ນໆທີ່ທາງທະນາຄານຕ້ອງການ(ຖ້າມີ).
|
